रुसी सेनाले युक्रेनी सहर लुत्स्क र इभानो–फ्रान्किभस्कका दुई सैन्य एयरफिल्डमा उच्च सटिक, लामो दूरीको हमला गरेको र उनीहरूलाई कारबाहीबाट बाहिर निकालेको रुसको रक्षा मन्त्रालयले जनाएको छ।
युक्रेनको मध्य सहर डिनिप्रोमा शुक्रबार रुसी गोलाबारीमा नागरिकहरुलाई निशाना बनाइएको छ । आपत्कालीन सेवाका अनुसार गोलाबारीमा एक जनाको मृत्यु भएको छ । यो सहरमा पहिलोपटक प्रत्यक्ष आक्रमण भएको देखिएको छ ।
अमेरिका, युरोपेली युनियन र जी–७ ले युक्रेनमा आफ्नो आक्रमणलाई लिएर रुसको ‘सबैभन्दा मनपर्ने राष्ट्र’ को दर्जा खारेज गर्ने तयारी गरेका छन्।
युक्रेनका राष्ट्रपति भोलोडिमिर जेलेन्स्कीले बिहीबार करिब एक लाख मानिसले दुई दिनमा देशका शहरहरू खाली गरेको बताए । उनले रुसी सेनाले घेरामा परेको बन्दरगाह सहर मारिउपोलमा मानवीय कोरिडोरलाई निशाना बनाएको आरोप लगाउँदै आक्रमणलाई ‘पूर्ण आतङ्क’ को सङ्ज्ञा दिए ।
युक्रेनमा जैविक हतियारको कथित विकासलाई लिएर रुसको अनुरोधमा संयुक्त राष्ट्र सुरक्षा परिषद्को शुक्रबार आकस्मिक बैठक बस्दैछ।
वासिङ्टन र किभ दुवैले युक्रेनमा जैविक हतियारहरू उत्पादन गर्ने उद्देश्यले प्रयोगशालाहरूको अस्तित्वलाई अस्वीकार गरेका छन् । उनीहरुले आरोपहरू मस्कोले चाँडै नै हतियारहरू प्रयोग गर्न सक्ने सङ्केत हो भनेका छन्।
रुसको रक्षा मन्त्रालयले शुक्रबार पाँच शहर कीभ, सुमा, खार्किभ, मारिउपोल र चेर्निहिभबाट मानवीय कोरिडोर खोल्ने बताएको छ।
युरोपेली युनियनका उर्सुला भोन डर लेयनले सन् २०२७ सम्ममा रुसी जिवाश्म इन्धनलाई समाप्त गर्नका लागि मध्य मे महिनामा एक योजना प्रस्ताव गर्ने भएका छन् ।
संयुक्त राष्ट्रसङ्घले फेब्रुअरी २४ मा रुसी आक्रमण सुरु भएदेखि युक्रेनबाट पलायन हुने शरणार्थीको सङ्ख्या २३ लाख नाघेको जनाएको छ । एजेन्सी
