बुटवल । नेपाली कांग्रेसका सभापति शेरबहादुर देउवाले सरकारले जनताका अधिकारहरु खोसेको आरोप लगाएका छन् ।
केन्द्रीय नीति, अनुसन्धान तथा प्रशिक्षण प्रतिष्ठानले सोमबार रुपन्देहीको भैरहवामा गरेको कार्यक्रममा देउवाले मानवअधिकार आयोग, मिडिया काउन्सिल लगायतका विधेयकको विरोध गरे । उनले भने, ‘ अहिले सरकारले जनताका अधिकारहरु खोस्दैछ । मैले त पहिला नै भनेको थिए कि बोल्न पनि पाइँदैन भनेर ।’
उनले सरकार प्रजातन्त्रविरोधी भएको प्रष्ट भइसकेको बताएउदैं आफ्नो पार्टी कुनै पनि बेला सडक आन्दोलनमा आउन सक्ने बताए । उनले सरकारका प्रजातन्त्रविरोधी कदमहरुको विरोधमा संसदमा संघर्ष गरिरहेको तर, कुनै पनि बेला सडक आन्दोलनमा आउनुपर्ने अवस्था रहेको बताए ।
