काठमाडौं । एभीसी सेन्ट्रल जोन भलिबलको पहिलो खेलमा नेपाल पराजित भएको छ। सोमबार भएको खेलमा नेपाल किर्गिस्तानसँग सोझो सेटमा पराजित भएको हो।
ललितपुर लगनखेलस्थित नेपाल आर्मीको कभर्ड हलमा आयोजना भएको प्रतियोगीतमा नेपाललाई किर्गिस्तानले २३–२५, २२–२५ तथा २३–२५ को सोझो सेटमा पराजित गरेको हो।
किर्गिस्तान यस प्रतियोगिताको एक पटकको विजेता हो भने एकपटकको उपविजेता हो।नेपालले अब बुधबार माल्दिभ्सको सामना गर्नेछ। समूह ‘ए’ मा नेपालसँगै माल्दिभ्स र किर्गिस्तान छन्।
यस्तै समूह ‘बी’ मा साविकको विजेता तुर्कमेनिस्तान, बंगलादेश, उज्बेकिस्तान र अफगानिस्तान रहेका छन्। प्रतियोगिता भदौ ७ गतेसम्म संचालन हुनेछ।