काठमाडौं । प्रमुख प्रहरी वरिष्ठ उपरीक्षक उत्तमराज सुवेदीले केही विदेशीहरु नेपालमा बैंकिङ प्रणाली ह्याक गर्नकै लागि नेपाल आउने गरेको बताएका छन् । उनले प्रविधिको प्रयोगसँगै बैंक तथा वित्तीय संस्थामा सुरक्षामा चुनौती थपिएको बताए।
शनिबार राति पाँच जना चिनियाँ नागरिकले विभिन्न एटीएमको पिन ह्याक गरी १ करोड ६८ लाख रुपैयाँ लुटिएपछि महानगरीय प्रहरी परिसरमा भएको पत्रकार सम्मेलनमा प्रमुख प्रहरी वरिष्ठ उपरीक्षक सुवेदीले उक्त कुरा बताएका हुन् ।
हालसम्म लुटपाटमा संगलग्न रहेको आरोपमा पाँच जनालाई पक्राउ गरिएको सुवेदीले जानकारी दिए । उनीहरुको साथबाट १ करोड ६८ लाख रुपैयाँ र ह्याक गर्न प्रयोग हुने डिभाइस पनि बरामद भएको छ । उनीहरुमाथि बैंकिङ कसुर मुद्दामा उच्च अदालतबाट म्याद थपेर अनुसन्धान भैरहेको उनले बताए ।