काठमाडौं । चिनियाँ उद्यमी संघ नेपालले बाढीपहिरो पीडितहरूको राहत तथा पुनःस्थापनाका लागि ४५ लाख ५३ हजार ६ सय ७० रुपैयाँ सहयोग गरेको छ।
संघका तर्फबाट उक्त सहयोग रकम अर्थमन्त्री स्वर्णिम वाग्लेलाई हस्तान्तरण गरिएको हो। नेपालमा रहेका चिनियाँ उद्यमी तथा व्यवसायीहरूको तर्फबाट विपद्मा परेका परिवारलाई सहयोग पुर्याउने उद्देश्यले रकम प्रदान गरिएको संघले जनाएको छ।
संघले विपद्का कारण प्रभावित परिवारको पीडामा सहयोग रकमले केही राहत पुग्ने अपेक्षा व्यक्त गरेको छ। साथै, यस्तो सहयोगले नेपाल र चीनबीचको मित्रता, सहकार्य तथा आपसी सद्भावलाई थप बलियो बनाउने विश्वास व्यक्त गरिएको छ।
