प्युठान । प्युठानको नौबहिनी गाउँपालिका–३, सिद्धाथान एराबाङस्थित काईया राष्ट्रिय वनमा बेवारिसे अवस्थामा ९ थान अवैध हतियार फेला परेको छ।
स्याउलाले छोपेर राखिएको अवस्थामा ३ थान साबुत भरुवा बन्दुक, ३ थान नाल र थप ३ थान भरुवा बन्दुक गरी जम्मा ९ थान अवैध हतियार फेला परेको हो।
फेला परेका सबै हतियार प्रहरीले नियन्त्रणमा लिएको छ। हतियार कसले र के प्रयोजनका लागि वनमा लुकाएर राखेको भन्ने विषयमा थप अनुसन्धान भइरहेको प्रहरीले जनाएको छ।
प्रहरीले घटनासँग सम्बन्धित व्यक्ति तथा अन्य विवरणबारे अनुसन्धान अघि बढाएको छ।
