काठमाडौं । कतार एयरवेज सहिद स्मारक ‘ए’ डिभिजन लिग फुटबल अन्तर्गत आज (आइतबार) एक खेल हुँदैछ ।
त्रिपुरेश्वरस्थित दशरथ रंगशालामा हिमालयन शेर्पा क्लब र ब्रिगेड ब्वाइज क्लब आमनेसामने हुँदैछन् । उक्त खेल ४ः४५ बजे सुरु हुनेछ ।
हिमालयन ४ खेलमा २ अंक जोडेर १३ औं स्थानमा रहेको छ । हिमालयनले ब्रिगेडलाई हराउँदै रेलिगेसन क्षेत्रबाट माथि उक्लने रणनीतिका साथ मैदानमा उत्रनेछ ।
ब्रिगेड ४ खेलमा ५ अंक जोडेर आठौं स्थानमा रहेको छ । बिग्रेड पनि हिमालयनलाई हराएर शीर्ष पाँचमा उक्लने योजनाका साथ मैदानमा उत्रनेछ ।