काठमाडाैँ । पाकिस्तानको ब्रोड पिक हिमालमा गएको हिमपहिरोमा ज्यान गुमाएका प्रसिद्ध नेपाली पर्वतारोही निर्मल पुर्जा (निम्स दाइ) सहित तीन नेपाली आरोहीको शव आधार शिविरमा ल्याइएको छ।
प्रतिनिधिसभा सदस्य मिङ्माडेभिड शेर्पाले शव आधार शिविरमा ल्याइएको पुष्टि गर्दै निर्मल पुर्जासँगै जोङ वाङ, निमा शेर्पा र किलु शेर्पाको शव संकलन गरिएको जानकारी दिएका छन्। शव संकलन कार्य मिङ्मा जीको नेतृत्वमा सम्पन्न भएको उनले बताएका छन्।
सांसद शेर्पाले प्रतिकूल मौसम र जोखिमपूर्ण परिस्थितिका बीच उद्धार तथा शव संकलनमा खटिएको टोलीप्रति आभार व्यक्त गरेका छन्। उनका अनुसार दुर्घटनामा ज्यान गुमाएका अन्य तीन आरोहीको शव भने अझै फेला पर्न सकेको छैन।
गत शुक्रबार ब्रोड पिक आरोहणका क्रममा आएको भीषण हिमपहिरोमा परी ६ नेपाली र ४ विदेशी गरी १० जना आरोहीको मृत्यु भएको थियो। दुर्घटनापछि बेपत्ता भएकाहरूको खोजी तथा उद्धार कार्य अझै जारी रहेको छ।
