काठमाडौं । शेयर कारोबारमा २५ लाख रुपैयाँभन्दा बढीको सेयर खरिद–बिक्रीमा थप १ प्रतिशत शुल्क लगाउने प्रस्ताव सरकारले फिर्ता लिने भएको छ।
उद्योग, वाणिज्य तथा आपूर्ति मन्त्रालयले प्रस्तावित कम्पनी ऐन, २०८३ को मस्यौदामा समावेश गरिएको उक्त व्यवस्था हटाउने प्रक्रिया अघि बढाएको हो। मस्यौदा सार्वजनिक भएपछि लगानीकर्ता तथा सरोकारवालाबाट चर्को विरोध भएपछि मन्त्रालयले सो प्रस्ताव नै हटाउने निर्णय गरेको जनाएको छ।
प्रस्तावित कम्पनी ऐनको दफा ८९ मा २५ लाख रुपैयाँ वा सोभन्दा बढी मूल्यको सेयर हस्तान्तरण वा खरिद–बिक्री गर्दा कम्पनी रजिस्ट्रारको कार्यालयमा अभिलेख गर्ने क्रममा हक प्राप्त गर्ने व्यक्तिले सेयर हस्तान्तरण शुल्कस्वरूप १ प्रतिशत रकम बुझाउनुपर्ने व्यवस्था प्रस्ताव गरिएको थियो।
उक्त व्यवस्थाले शेयर बजारमा अतिरिक्त आर्थिक भार पर्ने, लगानी निरुत्साहित हुने तथा पूँजी बजारको विकासमा नकारात्मक असर पर्ने भन्दै व्यापक आलोचना भएको थियो। त्यसपछि मन्त्रालयले विवादित व्यवस्था हटाउने प्रक्रिया अघि बढाएको हो।
