काठमाडौँ — बैंकिङ कसुर मुद्दामा पक्राउ परेका सेलिब्रिटी सेफ सन्तोष साह धरौटी बुझाएर छुटेका छन्।
साहले मुद्दाको बिगो बराबर धरौटी बुझाएपछि हाजिर जमानीमा रिहा भएको प्रहरीले जनाएको छ ।
जिल्ला अदालत काठमाडौंको अनुमतिमा साहलाई गत शुक्रबार धनुषाको जनकपुरधाम उपमहानगरपालिका–८, रमानन्द चोकबाट प्रहरीले पक्राउ गरेको थियो। उनीसँगै सिराहाको कर्जन्हा नगरपालिका–९ का ५८ वर्षीय नारायण साह सुडी पनि पक्राउ परेका थिए। उनी पनि रिहा भएका छन् ।
गैरीधारास्थित मिथिला थाली नामको रेस्टुरेन्ट खरिद गर्दा पूरा रकम भुक्तानी नगरेको भन्दै शकुन्तला अधिकारीले साहविरुद्ध बैंकिङ कसुरको मुद्दा दायर गरेकी थिइन्।
