काठमाडौं । आगामी आर्थिक वर्ष २०८३/८४ को बजेट यही जेठ १५ गते दिउँसो ४ बजे संघीय संसद्को संयुक्त बैठकमा प्रस्तुत हुने भएको छ ।
सभामुख डोलप्रसाद अर्यालले प्रतिनिधिसभा र राष्ट्रियसभाको संयुक्त बैठकमा बजेट पेस गरिने जानकारी दिँदै सांसदहरूलाई निर्धारित समयभन्दा अगावै उपस्थित भई आसनग्रहण गर्न आग्रह गरेका छन् ।
उनका अनुसार सांसदहरूलाई दिउँसो ३:४५ भित्र अनिवार्य रूपमा उपस्थित हुन सूचित गरिएको छ ।
बजेट प्रतिनिधिसभाका लागि निर्माणाधीन कक्षबाट प्रस्तुत गर्ने तयारी गरिएको छ । सो बजेट अर्थमन्त्री स्वर्णिम वाग्लेले पेस गर्नेछन् ।
त्यसैगरी, प्रतिनिधिसभाको अर्को बैठक सोही दिन साँझ ५:३० बजेका लागि तय गरिएको छ ।
