काठमाडौँ । प्रतिनिधिसभाको आज बस्ने बैठकमा माननीय सूचना तथा सञ्चारमन्त्री डा. विक्रम तिमिल्सिनाले “राष्ट्रिय सभामा उत्पत्ति भएको चलचित्र विधेयक, २०८२ माथि विचार गरियोस्” भन्ने प्रस्ताव प्रस्तुत गर्ने कार्यसूची रहेको छ ।
संघीय संसद् सचिवालयले सार्वजनिक गरेको सम्भावित कार्यसूचीअनुसार उक्त विधेयकमाथि आजको बैठकमा सैद्धान्तिक छलफल अघि बढाइनेछ ।
चलचित्र क्षेत्रको नियमन, व्यवस्थापन तथा प्रवर्द्धनसँग सम्बन्धित व्यवस्था समेटिएको विधेयक राष्ट्रिय सभाबाट उत्पत्ति भएको हो ।
विधेयकमाथि प्रतिनिधिसभाका सांसदहरूले धारणा राख्ने कार्यक्रम समेत रहेको जनाइएको छ । सरकारले चलचित्र उद्योगलाई समयानुकूल, व्यवस्थित र प्रविधिमैत्री बनाउन नयाँ कानुनी व्यवस्था आवश्यक रहेको बताउँदै आएको छ ।
