चितवन । कलेज प्रशासनले चितवन मेडिकल कलेजको होस्टलभित्र भेटिएको पेस्तोल र गोलीबारे निष्पक्ष छानबिन हुनुपर्ने माग गरेको छ । घटनाका सम्वन्धमा आरोप प्रत्यारोप नगरी निष्पक्ष छानविनमा सहयोग गर्न कलेज प्रशासनले अपिल गरेको छ ।
प्रहरीले शनिबार दिउँसो कलेजको छात्रावास नजिकको खेल मैदानमा नीलो झोलामा ‘मेड इन युएसए’ लेखिएको १११७ पेस्तोल एक थान, म्यागजिन एक थान, गोली दुई थान, थ्री नट थ्री राइफलमा लाग्ने गोली एक थान लगायतका सामाग्री भेटेको थियो ।
कलेजले उठाएको अतिरिक्त शुल्क फिर्ताको माग गर्दै निकै लामो समयदेखि आन्दोलनमा उत्रिएका विद्यार्थीहरुले आइतबार प्रर्दशन गर्ने तयारी गरेको अघिल्लो दिन हतियार भेटिएको थियो ।
कलेज प्रशासनले आइतबार विज्ञप्ति जारी गरी घटनामा संलग्न जो कोही भए पनि कारबाहीको दायरामा ल्याउन अनुरोध गरेको छ ।
