काठमाडौं: हिमालयन रिइन्सोरेन्सको सेयर विवादमा मुछिएका प्रतिष्ठित उद्योगी शेखर गोल्छालाई नेपाल प्रहरीको केन्द्रीय अनुसन्धान ब्युरो (सिआईबी) ले थुनामा पठाएको छ ।
उनलाई काठमाडौं कार्यालयमा बयानका लागि बोलाएको तर बयान नसकिए पछि सिआईबीकै हिरासतमा राखिएको स्रोतले बताएको छ । गोल्छा हिमालयन रिइन्सोरेन्स कम्पनीका संस्थापक अध्यक्ष समेत रहेका थिए ।
हिमालयन रिइन्सोरेन्स प्रकरणमा व्यवसायीहरु दिपक भट्ट र साहिल अग्रवाल सम्पत्ति शुद्धीकरण विभागको अनुसन्धानका लागि भन्दै हिरासतमा रहेका छन् ।
सिआईबीले श्री गोल्छालाई पक्राउ गरिसकेको भन्दै आज बिहानैदेखि समाचार आइरहेका थिए । यद्यपि उनले ती समाचारमा कुनै सत्यता नरहेको भन्दै खण्डन गरेका थिए ।
