काठमाडौं । सभामुख डोलप्रसाद (डीपी) अर्याल ले पूर्व सभामुखहरू देवराज घिमिरे र अग्निप्रसाद सापकोटा सँग भेटघाट गर्नुभएको छ।
सभामुख अर्यालको पहलमा भएको उक्त भेटमा नेपालको संसदीय अभ्यास, विगतका अनुभवहरूको आदान–प्रदान तथा संघीय संसदको प्रभावकारी सञ्चालनका विषयमा विस्तृत छलफल भएको जनाइएको छ।
साथै, भेटका क्रममा विधायन प्रक्रियालाई थप सुदृढ बनाउने उपायहरूबारे समेत विचारविमर्श गरिएको थियो।
भेटघाटलाई संसदीय अभ्यासलाई थप परिष्कृत र प्रभावकारी बनाउने दिशामा महत्वपूर्ण मानिएको छ। यसले विगतका अनुभवलाई वर्तमान अभ्याससँग जोड्दै संसदको कार्यक्षमता अभिवृद्धि गर्न सहयोग पुग्ने अपेक्षा गरिएको छ।
