काठमाडौँ । पूर्वप्रधानमन्त्री शेरबहादुर देउवा र उनकी पत्नी एवम् पूर्वमन्त्री डा. आरजु राणा देउवा विरुद्ध पक्राउ पुर्जी जारी भएको छ।
गैरकानुनी सम्पत्ति आर्जनसम्बन्धी अनुसन्धानका क्रममा सम्पत्ति शुद्धीकरण अनुसन्धान विभागले जिल्ला अदालत काठमाडौंबाट उनीहरूलाई पक्राउ गर्न अनुमति लिएको उच्च स्रोतले जनाएको छ।
स्रोतका अनुसार अदालतले पक्राउका लागि अनुमति प्रदान गरिसकेको भए पनि उनीहरू हाल विदेशमा रहेका कारण नियन्त्रणमा लिन सकिएको छैन।
देउवा दम्पत्ति विरुद्धको यो प्रक्रिया सम्पत्ति शुद्धीकरणसँग सम्बन्धित अनुसन्धानकै सिलसिलामा अघि बढाइएको जनाइएको छ।
