काठमाडौं । नेकपा (एमाले)का महासचिव शंकर पोखरेलले निर्वाचनमा जानु प्रतिगमन नभएको बताएका छन् ।
प्रज्ञा भवन कमलादीमा नेकपा माओवादी केन्द्रको आठौं महाधिवेशनलाई सम्बोधन गर्दै उनले सो कुरा बताएका हुन् ।
उनले भने ‘हामी फेरि जनतामा जान चाहन्छौं भन्ने कुरा एमालेले गरेको हो । त्यसलाई प्रतिगमनको लेपन लगाइयो । जनतामा जाने कुरा प्रतिगमन होइन ।’
यस्तै, उनले अघिल्लो आम निर्वाचनमा एमाले र माओवादी मिलेर जनताको विश्वास जितेपनि एकता जोगाउन नसकिएको बताए ।
पोखरेलले भने, ‘कार्यनीति र स्वार्थको प्रश्नमा अल्झिएका कारण हाम्रा महान उद्देश्यहरु प्रभावित भएका छन् । नेकपा गठनको उद्देश्य सही थियो । नेकपाको एकता जोगाउन नसकिएकोमा मलाई पछुतो छ’।
