काठमाडौँ। जोनाथन इडवार्डोको ह्याट्रिक प्रेरणामा मच्छिन्द्र क्लव जारी राष्ट्रिय लिगमा सातौं जितसँगै लिगमा अंकतालिकाको शीर्ष स्थानमा उक्लिएको छ ।

सातदोबाटोस्थित एन्फा कम्प्लेक्समा मंगलवार भएको दोस्रो खेलमा मच्छिन्द्रले लिगकै सबैभन्दा कमजोर टोली नव जनजागृति क्लवलाई ४–० ले सहजै हरायो ।

मच्छिन्द्रको जितमा जोनाथनले ह्याट्रिक पूरा गरे । रेजिन सुब्बाले एक गोल थपे । यो जितसँगै मच्छिन्द्र शिर्ष स्थानमा उक्लियो । ९ खेलबाट मच्छिन्द्रले २२ अंकसहित शिर्ष स्थानमा उक्लिएको छ ।

जुन दोस्रो स्थानमा एपिएफको भन्दा एक अंकले कम हो । मच्छिन्द्रले पूर्ण रूपमा बल आफ्नो नियन्त्रणमा राखेर खेल्यो । पहिलो हाफमा मच्छिन्द्रले एक गोल मात्र गोल गरेको थियो । तर, दोस्रो हाफमा भने मच्छिन्द्र आक्रामक बन्यो र तीन गोल थप्यो । मच्छिन्द्रले खेलको ११औं मिनेटमा जोनाथन इडवार्डोको गोलबाट अग्रता लिएको थियो ।

पहिलो हाफमा मच्छिन्द्र १–० ले अगाडि रह्यो । ५० औं मिनेटमा जोनाथनले पेनाल्टी गोलबाट अग्रता दोब्बर बनाए । मच्छिन्द्र ६२ औं मिनेटमा ३–० ले अगाडि बढ्यो । रेजिन सुब्बाले तेस्रो गोल गरेका हुन् ।

८१ औं मिनेटमा जोनाथानले ह्याट्रिक पूरा गरे । एलिक श्रेष्ठले नजिकैबाट गरेको प्रहार नव जनजागृति क्लवका गोलकिपर खोमबहादुर श्रेष्ठले खुट्टाले रोके । त्यो बल डिफ्लेक्ट भएर जोनाथनको खुट्टामा पुग्यो ।

उनले त्यो बललाई वान टचमार्पmत जाली चुमाए । ८७ औं मिनेटमा मच्छिन्द्रका सौरभ लिम्बूले खाली पोस्ट गोल गर्न चुके । नव जनजागृतिका डिफेन्डर र गोलकिपर खोमबहादुर नै बिट भएको अवस्थामा पाएको बललाई सौरभ खाली पोस्टमा जाली चुमाउन चुके ।

उनको वान टच सट पहिलो बार हुँदै बाहिरिन पुथ्यो । एक मिनेटपछि नै जोनाथनले गोल मच्छिन्द्रको पाँचौं गोल गरे । तर, त्यो गोल अफसाइड घोषित भयो र मच्छिन्द्रले ४–० को जित निकाल्यो ।

यससँगै नव जनजागृतिले नवौं खेलमा पनि हार बेहो¥यो । लिगको पुछारको टोली नव जनजागृतिले अंक खाता खोल्न सकेको छैन । त्यसअघि दिनको पहिलो खेलमा मनाङ मस्र्याङ्दी क्लबले जित निकाल्यो ।

मनाङले एन्फा कम्प्लेक्समा नै भएको खेलमा चित्लाङ एफसीमाथि २–० नतिजा निकालेको हो । मनाङका लागि सिरब लो तामाङ र सुमित मल्लले गोल गरे । यो जितपछि मनाङले १० खेलबाट १२ अंक छ ।

मनाङ आठौं स्थानमा उक्लिएको छ । चित्लाङको दशौं खेलमा यो पाँचौं हार हो । सात अंकसहित चित्लाङ १३औं स्थानमा छ ।—न्युज एजेन्सी नेपाल