रुपन्देही। प्रतिनिधिसभा सदस्य निर्वाचनको मतगणनाका क्रममा रुपन्देही जिल्लाको निर्वाचन क्षेत्र नं ४ मा हालसम्म नेपाल कम्युनिष्ट पार्टी (एमाले)का उम्मेदवार प्रमोदकुमार यादव नौ हजार २०६ मत प्राप्त गरी अग्रता लिनुभएको छ ।
निर्वाचन अधिकृत टोपबहादुर बिष्टका अनुसार नेपाली कांग्रेसका उम्मेदवार आशुतोष मिश्रा आठ हजार ७७० मत प्राप्त गरी यादवलाई पछ्याउँदै हुनुहुन्छ । राष्ट्रिय स्वतन्त्र पार्टी (रास्वपा)का उम्मेदवार कन्हैया बनियाँ आठ हजार ४४७ मतसहित तेस्रो स्थानमा हुनुहुन्छ । सो निर्वाचन क्षेत्रमा कुल एक लाख १६ हजार १७२ मतदाता भएकामा ७६ हजार ८१२ मत खसेको थियो ।
रुपन्देही-५ मा रास्वपाका खानको अग्रता कायम
प्रतिनिधिसभा सदस्य निर्वाचनको मतगणनाअन्तर्गत रुपन्देहीको क्षेत्र नं ५ को हालसम्म प्राप्त परिणामअनुसार राष्ट्रिय स्वतन्त्र पार्टी (रास्वपा)का उम्मेदवार तौफिक अहमद खानले सात हजरा ६९३ मत प्राप्त गरी अग्रता लिनुभएको छ ।
निर्वाचन अधिकृत गोपीकृष्ण रेग्मीका अनुसार एमालेका उम्मेदवार खिमलाल भट्टराईले दुई हजार ५६४ मत प्राप्त गरी खानलाई पछ्याउँदै हुनुहुन्छ । त्यस्तै, दुई हजार ५०३ मत प्राप्त गरी नेपाली कांग्रेसका भारतकुमार शाह तेस्रो स्थानमा हुनुहुन्छ । सो निर्वाचन क्षेत्रमा कुल एक लाख ३४ हजार ४४२ मतदाता भएकामा ८४ हजार ८३८ मत खसेको थियो । रासस
