काठमाडौँ । जनता समाजवादी पार्टी (जसपा) नेपालका संघीय परिषद् अध्यक्ष डा. बाबुराम भट्टराईले नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले आठौँ महाधिवेशनमा प्रस्तुत गरेको राजनीतिक प्रतिवेदनको टिप्पणी गरेका छन्।
आइतबारदेखि काठमाडौँको नेपाल प्रज्ञा प्रतिष्ठानमा जारी महाधिवेशनमा प्रचण्डले ‘एक्काइसौँ शताब्दीमा समाजवादको नेपाली बाटो’ नामको राजनीतिक प्रतिवेदन पेश गरेका थिए।
सोही प्रतिवेदनबारे पूर्व माओवादी समेत रहेका भट्टराईले टिप्पणी गरेका हुन्। प्रतिवेदनमा पुरानै एकदलीय व्यवस्थाको धंगधंगी बोकेको काल्पनिक समाजवादको स्वैरकल्पनाको पोको भएको उनले टिप्पणी गरेका छन्। प्रतिवेदनले फेरि एकपटक असली बाजेको पेडा बेच्ने होडबाजी चल्ने र अबोध कार्यकर्ता केही बर्ष अरू झुक्किने उनको भनाई छ।
माओवादी केन्द्रको महाधिवेसनमा प्रस्तुत दस्तावेज सर्सर्ती पढ्दा पुरानै एकदलीय व्यवस्थाको धंगधंगी बोकेको काल्पनिक समाजवादको स्वैरकल्पनाको पोको जस्तो लाग्यो।फेरि एकपटक असली बाजेको पेडा बेच्ने होडबाजी चल्नेभो!अबोध कार्यकर्ता केही बर्ष अरू झुक्किने भए!शुभकामना! https://t.co/QApm2qI3Vw
— Baburam Bhattarai (@brb1954) December 27, 2021
