काठमाडौं: पूर्वराजा ज्ञानेन्द्र शाह झापाबाट काठमाडौं आइपुग्नु भएको छ ।
बुद्ध एयरबाट काठमाडौं फर्कने भनिए पनि अन्तिम समयमा उहाँ दमकस्थित चिया बगानबाट हेलिकप्टरबाट काठमाडौं फर्कनु भएको उहाँको निजी सचिवालयले जनाएको छ ।
पूर्वराजा शाहको स्वागतका लागि काठमाडौं विमानस्थल परिसर र सिनामंगल क्षेत्रमा सुरक्षा व्यवस्था कडा पारिएको छ । स्थानीय प्रशासनले पाँच जना भन्दा बढी मानिस भेला हुन नदिने भन्दै विमानस्थल क्षेत्रमा निषेधाज्ञा जारी गरेको छ ।
विमानस्थलदेखि निर्मल निवाससम्म ठूलो संख्यामा सुरक्षाकर्मी परिचालन गरिएको छ ।
पूर्वराजा तीन महिना अघि झापा जानु भएको थियो ।
