दमक, माघ ६ । दमक नगरपालिकाका मेयर राम थापाले एमाले अध्यक्ष केपी शर्मा ओलीलाई भदौ २४ गते जलेको आफ्नो घर देखाउनु भएको छ।
फागुन २१ गते हुने प्रतिनिधि सभा निर्वाचनका लागि मनोनयन दर्ता गराउन झापा पुगेका ओलीलाई थापाले आज आफ्नै जलेको निवासस्थलमा लगेर घटना बारे जानकारी गराउनुभएकाे हो। जलेको घर देखाउँदै थापाले भन्नुभयाे, ‘जसले मेरो घर जलाए, उही अहिले आफ्नो घर बालेनलाई कार्यालय राख्न दिएका छन्।’
यसप्रति एमाले अध्यक्ष ओलीले जवाफ दिनुहुँदै भन्नुभयाे, ‘यिनीहरू एउटै खालका हुन्।’
झापा–५ बाट प्रतिनिधि सभा निर्वाचन लड्न बालेन पनि दमक पुग्नु भएकाे छ। उहाँले निर्वाचन प्रचारका लागि दमकमा घर भाडामा लिनु भएकाे छ ।
