काठमाडौँ । नेपाली काँग्रेसका नेता गोपालमान श्रेष्ठले वर्तमान राजनीतिक संकट टार्नको लागि सर्वपक्षिय गोलमेच सम्मेलन गर्नुपर्ने बताउनुभएको छ ।
नेपाली काँग्रेसको विशेष महाधिवेशनमा सञ्चारकर्मीहरुसँग कुरा गर्दै उहाँले जेन–जी, नयाँ उदाएका शक्ति र राजनितिक दलको बीचमा गोलमेच सम्मेलन गर्नुपर्ने बताउनुभएको हो । उक्त सम्मेलनको नेतृत्व नेपाली काँग्रेसले गर्नुपर्ने उहाँको भनाई छ । उहाँले अहिले राष्ट्रिय एकताको खाँचौ औल्याउनुभयो । कांग्रेसको नेतृत्वमा सबैलाई लिएर अगाडी बढ्नुपर्ने उहाँको भनाई छ ।
उहाँले भन्नुभयो, ‘सर्वसम्वत, सर्वदलिय जेनजीदेखी लिएर धेरै शक्तिहरु अहिले आएको छ, उनीहरुको गोलमेच सम्मेलन नेपाली काँग्रेसले गर्नुपर्छ । सबैलाई लिएर नेपाली काँग्रेसले नेतृत्व लिएर अगाडी बढ्नुपर्छ । यो महाधिवेशनले आफ्नो विधिविधानअनुसार निर्णय गर्नुपर्छ । त्यो निर्णयलाई काँग्रेसको विधान अनुसार त्यसलाई मान्नुपर्छ । राष्ट्रिय एकताको खाँचो छ ।’
उहाँले विशेष महाविधेशनले विधानअनुसार निर्णय गर्नुपर्ने बताउनुभयो । विशेष महाधिवेशनले गरेको निर्णय सबैले मान्नुपर्ने उहाँको भनाई छ ।
