काठमाडौं । नेपाल कम्युनिष्ट पार्टी नेकपाका वरिष्ठ नेता माधव नेपाल खुमलटार बैठकपछि बालुवाटार पुगेका छन्। नेकपाका उपाध्यक्ष वामदेव गौतमलाई राष्ट्रियसभामा पठाउने निर्णयपछि देखिएको विवादबारे छलफल गर्न वरिष्ठ नेता बालुवाटार पुगेका हुन् ।
अध्यक्ष पुष्पकमल दाहाल ‘प्रचण्ड’ को निवास खुमलटारमा शुक्रबार बिहान भएको छलफलमा सहभागी प्रचण्ड, नेपाल र पूर्वअध्यक्ष झलनाथ खनालले सचिवालयको सर्वसम्मत निर्णय कार्यान्वयन नभए दुर्घटना हुने चिन्ता व्यक्त गरेका थिए। खुमलटार बैठक सकेर प्रचण्ड चितवन पुगेका छन् भने नेता नेपाल प्रधानमन्त्रीलाई भेट्न बालुवाटार पुगेका हुन् ।
चितवन पुगेर प्रचण्डले वामदेवलाई राष्ट्रियसभा पठाउने निर्णय सर्वसम्मत भएकोले यसको कार्यान्वयनको विकल्प नरहेको बताएका छन्।