काठमाडौँ । नेपाल प्रीमियर लिग (एनपीएल) अन्तर्गत आजको पहिलो खेलमा कर्णाली याक्स र लुम्बिनी लायन्सले प्रतिस्पर्धा गरिरहेका छन् ।
कीर्तिपुरस्थित टियु मैदानमा जारी खेलमा लुम्बिनीले कर्णालीलाई १५७ रनको लक्ष्य दिएको छ । टस हारेर पहिले ब्याटिङमा उत्रिएको लुम्बिनीले २० ओभरमा ८ विकेटको क्षतिमा १५६ रन जोड्यो ।
उसका लागि कप्तान रोहित पौडेलले सर्वाधिक ४९ रन जोडे । यस्तै, रुबेन ट्रम्पलमान २९ रनमा अविजित रहे । जोहानीस जोनाथन स्मितले २३ रन तथा डी’आर्की शर्टले १९ रन बनाउँदा अन्य ब्याट्सम्यानले दोहोरो अंकमा रन बनाउन सकेनन् ।
बलिङतर्फ कर्णालीका नन्दन यादवले दुई विकेट लिए भने सोमपाल कामी, गुलशन झा, मार्क वाट, बिपिन शर्मा र युवराज खत्रीले एक–एक विकेट लिए ।
