काठमाडौं । राष्ट्रिय प्रजातन्त्र पार्टीका अध्यक्ष कमल थापाले कहिल्यै पनि आफुले पार्टी नफुटाउने बताएका छन् । राजधानीमा जारी दुई राप्रपाबीचको एकता घोषणा कार्यक्रममा उनले कहिले पनि पार्टी नफुटाउने बताएका हुन् ।
राप्रपा र राप्रपा संयुक्तको एकता घोषणासभामा थापाले हिन्दू धार्मिक ग्रन्थ गीता हातमा लिएर पार्टी नफुटाउने प्रतिज्ञा गरे ।
थापाले खल्तीबाट गीताको पुस्तक निकाल्दै भने, ‘पार्टीलाई माया गर्ने साथीहरूलाई साक्षी राखेर प्रतिज्ञा गर्दछौं, म कहिल्यै पनि पार्टी फुटाउने छैन। तपाईंहरूलाई विश्वास लागेन ? मैले गीता ल्याएको छु। यो गीता हातमा राखेर म भन्छु, राप्रपा फुट्दैन।’
उनले गीताको पुस्तक अध्यक्षद्वय प्रकाशचन्द्र लोहनी र पशुपतिशम्शेर जबरालाई पनि चाहिन्छ कि भन्दै पोडिएममै छाडेर गए।
