काठमाडौं । कालोबजारी गरेको आरोपमा हाल थुनामा परेका अर्बपति ब्यापारी सुलभ अग्रवाललाई थप पाँच दिन हिरासतमा राखेर अनुसन्धान गर्न जिल्ला प्रशासन कार्यालय काठमाडौंले अनुमति दिएको छ । कार्यालयले मंगलबार प्रहरीलाई सो अनुमति दिएको छ ।
व्यापारी सुलभलाई गत २५ चैतमा महानगरीय अपराध महाशाखाबाट खटेको टोलीले थर्मल गन कालोबजारी गरेको अभियोगमा नक्सालबाट पक्राउ गरेको थियो ।
काठमाडौंको प्रमुख जिल्ला अधिकारी जनकराज दाहालले पहिलो पटक सात दिन हिरातसमा राख्न दिएको म्याद मंगलबार सकिएपछि प्रहरी पुनः म्याद थपका लागि आग्रह गरेको थियो । सोही बमोजिम जिल्ला प्रशासन कार्यालयले म्याद दिएको हो ।
