काठमाडौं । नख्खु कारागार प्रशासनले फरार सबै कैदी बन्दीलाई सम्पर्कमा आउन सुचना जारी गरेको छ । प्रशासले आज एक सुचना जारी गर्दे मिति २०८१ भदौ २४ गते कारागार परिसरबाट फरार भएका सम्पूर्ण बन्दीहरूलाई यस कारागार प्रशासनको आधिकारिक सम्पर्कमा अविलम्ब उपस्थित भई कानूनी प्रक्रिया तथा विधिको पूर्ण पालनाको अनुरोध गरेको छ ।
सुचनामा भनिएको छ फरार अवस्थाको निरन्तरता रहँदा कानूनी रुपमा थप बढाइएका साथ कार्यान्वयन गरिने मात्र नभई भविष्यमा प्राप्त हुने हरेक कानूनी अधिकार, सुविधा तथा सामाजिक पुन:स्थापन प्रक्रियामा समेत गम्भीर प्रतिकूल असर पर्न सक्ने भएकाले यस सम्बन्धमा सम्पूर्ण फरार बन्दीबन्दिनीहरूलाई सचेत र सम्झना गराइन्छ।
सुचनमा भनिएको छ विधि, कानुन र सामाजिक उत्तरदायित्वप्रति सम्मान प्रकट गर्दै तुरुन्तै यस कारागार प्रशासनको सम्पर्कस्थापन गरी आत्मसमर्पण गर्न तथा सार्वजनिक शान्ति तथा सुरक्षाको कायम गर्न सक्रिय सहयोग पुर्याउन सम्पूर्ण फरार बन्दीबन्दिनीहरूलाई यसै सूचना मार्फत औपचारिक रुपमा अपिल गरिन्छ। साथै सम्पर्क हुन नसकेका बन्दीबन्दिनी कारागार ऐन २०७६ र अन्य प्रवर्तित कानुन बमोजिम भएजस्तो व्यबहार अवलम्बन गरिनेछ।
सुचनमा भनिएको छ यस कारागार प्रशासनको सम्पर्कमा आउने व्यक्तिहरुको हकहितको रक्षा गर्दै प्रवर्तित कानुनी प्रावधानअनुसार उनीहरूको पुन:स्थापना प्रक्रियामा आवश्यक सहयोग र सहजीकरण उपलब्ध गराउने प्रतिबद्धता पनि गर्दछौं।
