एजेन्सी । बलिउड अभिनेत्री गौहर खानले दोस्रो सन्तानको रुपमा छोरा जन्माएकी छन् ।
उनले १ सेप्टेम्बरमा दोस्रो छोरा पाएकी हुन् । यसबारे उनले आफ्नै सामाजिक सञ्जालमार्फत जानकारी दिएकी छिन् ।
उनले साझा गरेको पोस्टअनुसार, उनका जेठा छोरा जेहान सानो भाइको आगमनले निकै खुसी छन् ।
यो खुसीको खबर सार्वजनिक गरेलगत्तै प्रशंसक तथा साथी कलाकारहरूले उनलाई बधाई दिएका छन् । गायक नीति मोहन र अभिनेत्री अमायरा दस्तुरलगायत धेरैले शुभकामना व्यक्त गरेका छन् ।
गौहरले यसअघि अप्रिल १० मा दोस्रो गर्भावस्थाको घोषणा गरेकी थिइन् । उनले पति जैद दरबारसँगको नृत्य भिडियोमार्फत बेबी बम्प देखाउँदै खबर सार्वजनिक गरेकी थिइन् ।
गौहर र जैदले सन् २०२० डिसेम्बर २५ मा मुम्बईमा विवाह गरेका थिए । उनीहरूको उमेरमा १२ वर्षको फरक भए पनि प्रेम चर्चित रह्यो ।
