काठमाडाैंः नेपाल कम्युनिस्ट पार्टी (नेकपा) सचिवालय को बैठकले बैशाख २५ गते सचिवालयको बैठक बोलाउने निर्णय गरेको छ । पार्टी भित्र हाल देखिएको विवादलाई स्थायी समितिमा छलफल गर्नुपर्ने आवश्यक परे केन्द्रीय समितिको बैठक बोलाउन माग गर्दै बहुमत सदस्यहरुले हस्ताक्षर अभियान समेत सञ्चालन गरेका थिए ।
सचिवालयले स्थायी समितिको बैठक बोलाउने निर्णय गरेपनि सचिवालयमा भएको निर्णयका बारेमा औपचारिक जानकारी दिन र यी निर्णयलाई अनुमोदन गराउन मात्र सचिवालयको बैठक बोलाउन लागिएको स्रोतले जनाएको छ । नेताहरुबीच बढेको दुरी कम भएको अवस्थामा स्थायी समितिको बैठक लम्याउँदा झन विवाद छताछुल्न हुने भन्दै सचिवालयको निर्णयलाई अनुमोदन गराउन मात्र बैठक बोलाउन लागिएको हाे ।
स्रोतका अनुसार पार्टी विभाजन नै हुन्छ कि भन्ने जस्तो अवस्थामा पार्टी महासचिव बिष्णु पाैडेलले अध्यक्ष केपी ओली र अर्का अध्यक्ष पुष्पकमल दाहाल र वरिष्ठ नेता माधव कुमार नेपाल सहित अन्य नेताहरुसँग खेलेकाे समन्वयात्मक भूमिकाका कारण समस्या समाधानका लागि सहज भएको हो ।
शनिबारको बैठकमा पनि गुटगत भेलाहरु भएको भन्दै नेताहरुले आत्मालोचना गरेको अवस्थामा विवाद बढ्न नदिने भन्दै नेताहरुले पार्टी सदस्यहरुलाई एकताको सन्देश प्रवाह गर्न निर्देशन समेत दिएको छ ।
