काठमाडौं । नेकपा सांसद डा भीम रावलले अतिक्रमित भूमि नेपालको नक्सामा समेट्न सरकार सफल भएपनि व्यवहारिक रुपमा भूमि फिर्ता गर्न केही चुनौतीहरु रहेको बताउनुभएको छ ।
संसदमा बोल्दै नेता रावलले सरकारको निर्णयले सम्पूर्ण नेपालीहरु गौरवान्वित भएको उल्लेख गर्दै उहाँले कालापानी क्षेत्रमा नेपालको प्रशासनिक उपस्थिति गराउन, भारतीय सेनालाई तत्काल फिर्ता पठाउन चुनौती भएपनि कुशल रुपमा अगाडी बढ्नुपर्ने बताउनुभयो । उहाँले असल छिमेकीसँग कुनै मतभेद र विवाद नगरी समस्या समाधान गर्नुपर्ने आवश्यकता औंल्याउनुभयो ।
संविधान संशोधनका लागि भएको राष्ट्रिय एकतापछि कुनै पनि मित्र राष्ट्रले नेपालको आत्मनिर्णयको अधिकारमा कहिले पनि हस्तक्षेप गर्ने आँट नगर्ने बताउनुभयो ।