काठमाडौं । नेपाली कांग्रेसले संसदको राज्य व्यवस्था तथा सुशासन समितिले गरेको प्रस्तावलाई नमान्ने भएको छ । कांग्रेसले विदेशी बुहारीलाई ७ वर्षपछि मात्र अंगीकृत नागरिकता दिने प्रस्ताव नमान्ने भएको हो ।
बुधबार विहान शभापति शेर बहादुर देउवा निवासमा बसेको कांग्रेस पदाधिकारीहरुको बैठकले अहिले भएकै व्यवस्थाको पक्षमा उभिने निर्णय भएको सहमहामन्त्री डा. प्रकाशशरण महतले बताए ।
समितीले विदेशी बुहारीलाई ७ वर्षपछि मात्र अंगीकृत नागरिकता दिने र त्यसअघि आर्थिक, सामाजिक र संस्कृतिक अधिकार उपभोग गर्न पाउने गरी स्थायी आवासीय अनुमति पत्र दिने प्रस्तावमा पेश गरेको छ ।
सत्तारुढ नेपाल कम्युनिस्ट पार्टी (नेकपा) ले यसलाई समर्थन गरेको छ तर कांग्रेसले पार्टीमा छलफल गर्न भन्दै समय मागेको थियो ।
