एजेन्सी । भारतको उत्तरी राज्य पञ्जावमा एक पटाका निर्माण कारखाना भित्र भएको विस्फोटमा कम्तिमा पाँच जनाको मृत्यु भएको छ । अन्य २५ भन्दा बढी घाइते भएका छन् ।
पञ्जाबको श्री मुक्तसर साहिब जिल्लाको एक गाउँ नजिकै कारखाना रहेको थियो । पीडितहरू सबै पटाका निर्माण र प्याकेजिङमा संलग्न मजदुरहरू थिए । विस्फोटमा दुई तले भवन भत्किएको छ । जसबाट कामदारहरू भग्नावशेषमुनि परेका थिए ।
प्रहरी अधिकारीकाअनुसार घाइतेहरूलाई नजिकैको सरकारी अस्पतालमा भर्ना गरिएको र विस्फोटको कारण पत्ता लगाउन अनुसन्धानको आदेश दिइएको छ ।
