काठमाडौं । राष्ट्रिय प्रजातन्त्र पार्टीका पूर्व अध्यक्ष कमल थापाले आफ्नो ‘राष्ट्रिय एकता अभियान’ स्थगित गर्नुभएको छ ।
राप्रपाको अध्यक्षमा पराजित भएपछि उहाँले अलग्गै ‘एकता अभियान’ घोषणा गरेका थिए ।
पुस २७ गते (पृथ्वी जयन्ती)को अवसर पारेर थापाले अभियान सुरु गर्ने घोषणा गर्नुभएको थियो ।
तर, राप्रपाका जिम्मेवार पदाधिकारी र सदस्यहरुले अहिलेका लागि अभियान रोक्न सुझाव दिएकाले सोहीअनुसार अभियान स्थगित गरिएको थापाले सामाजिक सञ्जालमार्फत् जानकारी दिनुभएको छ ।
उहाँले लेख्नुभएको छ,
पौष २७ शुरुगर्न लागिएको 'राष्ट्रिय एकता अभियान' केही समय रोक्नु उपयुक्त हुने सुझाव राप्रपाका जिम्मेवार पदाधिकारी र सदस्यहरुबाट प्राप्त भएको तथा अहिले कोरोना महामारी तिव्रगतिमा बढ्न लागेको कारण समेत सो अभियान शुभारम्भ समारोह हाललाई स्थगित गर्ने निर्णय तयारी समितिको बैठकले गरेको छ
पौष २७ शुरुगर्न लागिएको 'राष्ट्रिय एकता अभियान' केही समय रोक्नु उपयुक्त हुने सुझाव राप्रपाका जिम्मेवार पदाधिकारी र सदस्यहरुबाट प्राप्त भएको तथा अहिले कोरोना महामारी तिव्रगतिमा बढ्न लागेको कारण समेत सो अभियान शुभारम्भ समारोह हाललाई स्थगित गर्ने निर्णय तयारी समितिको बैठकले गरेको छ
— Kamal Thapa (@KTnepal) January 9, 2022
