काठमाडौं । पछिल्लो २४ घण्टामा भारतमा साढे २६ हजार जनामा कोरोना भाइरस देखिएको छ। भारतको स्वास्थ्य मन्त्रालयका अनुसार भारतमा कोरोना भाइरसका २६ हजार ५०६ नयाँ संक्रमित थपिएका हुन् । यो एकैदिनमा थपिएका सबैभन्दा कोरोना संक्रमितको संख्या हो ।
यससँगै कोरोना भाइरसबाट संक्रमित हुनेको संख्या पनि सात लाख ९३ हजार ८०२ पुगेको छ । भारतमा कोरोना भाइरसबाट मृत्यु हुनेको संख्या पनि २१ हजार ६०४ पुगेको छ । पछिल्लो २४ घण्टामा मात्र भारतमा कारण ४७५ जनाको कोरोना भाइरसको कारण मृत्यु भएको छ ।
भारतको सबैभन्दा प्रभावित महाराष्ट्रमा अहिलेसम्म कोरोना भाइरसका दुई लाख ३० हजारभन्दा धेरै संक्रमित फेला परेका छन् भने नौ हजार ६६७ जनाको मृत्यु भइसकेको छ । दिल्लीमा पनि कोरोना भाइरसका एक लाख सात हजारभन्दा धेरै संक्रमित फेला परेका छन् भने तीन हजार २५८ जनाको मृत्यु भएको छ । उत्तर प्रदेशमा ३२ हजारभन्दा धेरै संक्रमित फेला पर्दा ८६२ जनाको मृत्यु भएको छ ।
अहिलेसम्म कोरोना भाइरसका चार लाख ९५ हजार ५१६ जना संक्रमित निको वा डिस्चार्ज भइसकेका छन् ।
