काठमाडौँ । इंग्लिस प्रिमियर लिग फुटबल अन्तर्गत लिभरपुल र आर्सनलले बराबरी खेलेका छन् ।
गएराति भएको खेलमा दुबै टोलिले २–२ गोलको बराबरी खेल्दै अंक बाँडेका हुन् । घरेलु टोलि लिभरपुलले पहिलो हाफमै दुई गोलको अग्रता लिएको थियो । तर, आर्सनलले दोस्रो हाफमा दुई गोल फर्कायो ।
२० औं मिनेटमा कोडी गाक्पोले गोल गर्दै लिभरपुललाई सुरुवाती अग्रता दिलाए । त्यसको एक मिनेट पछि नै अर्थात् २१ औं मिनेटमा लुइस डियाजले गोल गर्दै लिभरपुलको अग्रता दोब्बर पारे ।
यता, ४७ औं मिनेटमा गाब्रियल मार्टिनेली र ७० औं मिनेटमा मिकेल मेरिनोले गोल गर्दै आर्सनललाई २–२ को बराबरीमा ल्याउँदै हारबाट टारे । ७९ औं मिनेटमा मेरिनोले रातो कार्ड खान पुगे ।
यो नतिजासँगै शीर्षस्थानको लिभरपुलको ३६ खेलबाट ८३ अंक छ भने दोस्रो स्थानको आर्सनलको ६८ अंक छ । लिभरपुलले यसअघि नै लिग जितिसकेको छ ।
