काठमाडौं । रााष्ट्रिय प्रजातन्त्र पार्टीका वरिष्ठ नेता दीपक बोहोराको शव आज अन्तिम श्रद्धाञ्जलीका लागि पार्टी कार्यालयमा राखिने भएको छ ।
काठमाडौंको ओम अस्पतालमा हिजो उपचारका क्रममा निधन भएका बोहोराको शव हिजै गृहजिल्ला रुपन्देही लगिएको थियो । त्यहाँ श्रद्धाञ्जलीपछि आज उहाँको शव काठमाडौं ल्याएर पार्टी कार्यालयमा राख्न लागिएको हो ।
राप्रपाले बोहोराको पार्थिव शरीरलाई अन्तिम श्रद्धाञ्जली दिन आज दिउँसो २ बजेखि पार्टी कार्यालयमा राखिने र आजै पशुपति आर्यघाटमा अन्त्येष्टि गरिने जनाएको छ ।
वरिष्ठ नेता बोहोराको निधनमा राप्रपाले तीन दिन शोक मनाइरहेको छ । शोक प्रकट गर्न तीन दिन पार्टीको केन्द्रीय कार्यालय, जिल्ला र कमिटिगत कार्यालयहरुमा पार्टीको झण्डा आधा झुकाउने, तीन दिन कुनै औपचारिक कार्यक्रम नगर्ने निर्णय गरिएको हो ।
