काठमाडौँ । राजा फर्काउने भन्दै आन्दोलनरत प्रदर्शनकारीले तीनकुने क्षेत्रमा व्यक्तिका निजी सम्पत्तिमाथि नै तोडफोड गरेका छन् ।
आन्दोलनकारीले घरभित्रबाट कुर्सी र कागजपत्र निकालेर आगो लगाएका छन् ।
तीनकुनेको रोयल बैंक्वेट छेउमा रहेका दुई घरमा छिरेर उनीहरुले आगजनी गरेका हुन् । प्रदर्शनकारीको ढुंगा प्रहारबाट घरको झ्यालका सिसा फुटेका छन् ।
घरको छतबाट प्रहरीले अश्रुग्याँस प्रहार गरेको भन्दै उनीहरुले उक्त घरभित्रबाट सामान बाहिर ल्याएर जलाएका हुन् । आन्दोलनकारी र प्रहरीबीच झडपको स्थिती आएपछि प्रहरीले अश्रुग्याँस प्रहार गरेको छ । यस क्षेत्र तनावग्रस्त बनेको छ ।
