काठमाडौँ । इंग्लिस प्रिमियर लिग फुटबल अन्तर्गत आर्सनलले बराबरी खेलेको छ । गएराति भएको खेलमा आर्सनल म्यान्चेस्टर युनाइटेडसँग बराबरीमा रोकिएको हो ।
घरेलु मैदान वल्ड्र ट्राफोर्डमा खेलको पहिलो हाफको इन्जुरी समयमा युनाइटेडले खेलमा अग्रता बनाएको थियो । कप्तान ब्रुनो फर्नान्डेजले फ्रिकिकबाट उत्कृष्ट गोल गर्दै घरेलु टोलिलाई अग्रता दिलाएका हुन् ।
यता, ७४ औं मिनेटमा डेक्लान राइसले गोल गर्दै आर्सनललाई हारबाट जोगाए । यो बराबरीसँगै उपाधि होडमा रहेको आर्सनललाई धक्का लागेको छ । यसअघिका दुई खेलमा पनि उसले सुखद नतिजा निकाल्न सकेन ।
एक खेलमा हार तथा एक खेलमा अंक बाँड्यो । २८ खेलबाट ५५ अंक जोडेको आर्सनल अंक तालिकाको दोस्रो स्थानमा छ । २९ खेलबाट ७० अंकका साथ लिभरपुल शीर्षस्थानमा छ । युनाइटेड ३४ अंकका साथ १४ औं स्थानमा छ ।
यस्त,ै गएराति नै भएको अर्को खेलमा टोटेनहमले बर्नमाउथसँग २–२ गोलको बराबरी खेल्दै अंक बाँड्यो । खेलको ४२ औं मिनेटमा मार्कुस ताभेमिरले गोल गर्दै पाहुना टोलि बर्नमाउथलाई सुरुवाती अग्रता दिलाए ।
६५ औं मिनेटमा इभानिल्सनको गोलबाट बर्नमाउथले खेलमा २–० को अग्रता बनायो । तर, ६७ औं मिनेटमा पेप माटर सरले तथा ८४ औं मिनेटमा सन हेउंग मिनले (पेनाल्टी) गोल गर्दै टोटेनहमलाई हारबाट जोगाए ।
यो नतिजापछि २८ खेलबाट ४४ अंक जोडेको बर्नमाउथ तालिकाको आठौं स्थानमा छ भने टोटेनहम ३४ अंकका साथ १३ औं स्थानमा छ ।
