बुटवल । रुपन्देहीको भैरहवा बहुमुखी क्याम्पसमा विपक्षी दल निकट विद्यार्थी संगठनहरूले स्ववियु निर्वाचनको विषयलाई लिएर तोडफोड गरेका छन् ।
आइतबार विभिन्न माग राखेर विद्यार्थी संगठनहरूले निर्वाचन आयोगको कार्यकक्षमा तालाबन्दी गरेका थिए । सोहि कुरामा माग पूरा नगरी निर्वाचन प्रक्रिया सुरु गरेको भन्दै सोमबार उनीहरुले क्याम्पसको हलमा तोडफोड गरेका हुन् ।
एमालेनिकट अनेरास्ववियुलगायतका विद्यार्थी संगठनहरु क्याम्पस प्रवेश गरेपछि समाजवादी विद्यार्थी युनियन, समाजवादी विद्यार्थी युनियन नेपाल, जनमत विद्यार्थी संघ, राष्ट्रिय प्रजातान्त्रिक विद्यार्थी युनियन र स्वतन्त्र मधेस विद्यार्थी युनियनले कुर्सी तोडफेड गरेको अनेरास्ववियु क्याम्पस अधयक्ष विवेक भण्डारीले जनाएका छन् ।
