अछाम । बि.आर्सी नेपाल अन्तरगतको रातो बाल्टी कार्यक्रम काठमाडौंको आर्थिक सहयोगमा अछाम जेसिजले एक सय जना महिला, बालबालिकालाई राहत स्वरुप खाद्यान्न सहयोग गरिएको छ। अछाम जेसिजले भौतिक दुरी कायम गर्दे मंगलसेन नगरपािलकाको समन्वयमा प्रति ब्यक्ति २५ केजि चामल, २ केजि दाल, १ लिटर तेल, २ वडा हात धुने सावुन, १ केजि चिनि र १ केजि नुन गरी कम्तीमा १४ दिन सम्म खान पुग्ने गरी बितरण गरीएको बताईएको छ ।
अछाम जेसीज बर्ष २०२० का अध्यक्ष तुलाराम बिसिको अध्यक्षतामा भएको राहत बितरण कार्यक्रममा बस्ति नै पुग्नु भएको मंगलसेन नगपालिकाका प्रमुख पदम बहादुर बोहराले कोरोना भाइरसको संक्रमण बाट बच्न सबैले आ–आफ्नो आनिबानिमा परीवर्तन ल्याउनु पर्ने बताउनु भएको छ । यसबाट बच्नका लागि बिश्व स्वास्थ्य संगठनले अनिवार्य रुपमा पालन गर्न भनेका सबै नियम पालन गरे कोरोनाबाट बच्न सकिने बताउनु भयो ।
नगरपालिकाले एक हप्ताको शिल कोरोनाभाईरसको संक्रमण समुदाय स्तर सम्म नफैलियोस भन्ने उद्देश्यले सबैलाई पालना गरि घरमै सुरक्षित बस्न आग्रह गर्नु भएको छ । अछाम जेसीजले नगरपालिकाको अति दुर्गम स्थानमा आएर कम्तीमा १४ दिन सम्म खान पुग्ने गरी गरिब विपन्न वर्गलाई राहत वितरण गरेको धन्यवाद समेत ब्यक्त गर्नु भएको थियो ।
यस्तै कार्यक्रममा बोल्दै मंगलसेन नगरपालिका वडा नम्बर १३ का वडा अध्यक्ष प्रेम बहादुर थापाले जनताका नाममा राहत बितरण गर्ने क्रममा सबैले नगरपालिका नजिकका वडाहरुमा राहत बितरण गर्ने गरेको तर नगरपालिकाको समन्वयमा अछाम जेसीजले ठुलो मात्रामा आफ्नो वडामा राहत बितरण गरेकाले अन्यले पनि जेसीजबाट सिको गरी दुर्गमका वडाहरुमा राहत बितरण गर्नु पर्ने बताउनु भयो ।
राहत वितरण कार्यक्रममा मंगलसेन नगरपालिका वडा नम्बर १ का वडा अध्यक्ष गोपाल थापा, वडा नम्बर २ का वडा अध्यक्ष मान बहादुर बोगटी लगाएतको सहभागीता रहेको थियो । राहत बितरण कार्यक्रमको संचालन अछाम जेसीज बर्ष २०२० का कार्यक्रम संयोजक लक्ष्मण शाहीले बताउनु भएको थियो । राहत बितरण कार्यक्रम को सन्चालन अछाम जेसीस बर्ष २०२० का कार्यक्रम सयोजक लक्ष्मण शाहीले गर्नु भएको थियो ।
