काठमाडौं। इङल्याण्डले च्याम्पियन्स ट्रफी अन्तर्गतको खेलमा अस्ट्रेलियालाई ३५२ रनको लक्ष्य दिएको छ ।
बेन डकेटले ऐतिहासिक प्रदर्शन गर्दा पहिले ब्याटिङ गरेको इंग्ल्यान्डले निर्धारित ५० ओभरमा ८ विकेट गुमाएर ३ सय ५१ रन बनायो। टस हारेर पहिले ब्याटिङ गरेको इंग्ल्यान्डका लागि ओपनर डकेटले १ सय ४३ बलको सामना गर्दै १७ चौका र ३ छक्काको सहयोगमा १ सय ६५ रन बनाए।
उनीबाहेक जो रुटले ६८ रन बनाउँदा थप दोहोरो स्कोरका रुपमा जोफ्रा आर्चरले २१ रन लियम लिभिङस्टोनले १४ रन कप्तान जोस बटलरले २३ रन बनाए।
बलिङतर्फ बेन द्वारशुसले ३ विकेट लिए भने एडम जाम्पा र मार्नुसले समान २/२ विकेट लिए ।
