काठमाडौँ। इङ्लिस प्रिमियर लिग (इपीएल) मा लिग लिडर लिभरपुल र एभर्टनले बराबरी खेलेका छन् ।
‘मर्सी साइड डर्वी’ भिडन्तको तनावपूर्ण अन्त भएको खेलमा दुवै टिमले अङ्क बाँडेका हुन्। गुडिसन पार्कमा बुधबार राति भएको खेलमा ऐतिहासिक मर्सीसाइड डर्बीपछि लिभरपुलका प्रशिक्षक अर्ने स्लटसहित चार जनालाई रातो कार्ड देखाइएको थियो। खेलको अन्त्यमा भएको गोल स्वीकार्न लिभरपुललाई मुस्किल परेपछि विवादास्पद बनेको थियो।
११औं मिनेटमा बेटोले गोल गरेपछि घरेलु समर्थक उत्साहित भएका थिए । १६औं मिनेटमा नै लिभरपुलले खेल बराबरी गर्यो । मोहम्मद सालाहको क्रसमा एलिक्सिस माक आलिस्टरले हेडर गोल गरेका हुन् । पहिलो हाफमा यहि स्कोर कायम रह्यो ।
खेलको ७३ औँ मोहम्मद सलाहले गोल गरेपछि लिभरपुल २-१ ले अगाडि रह्यो । तर एभर्टनले खेलको इन्जुरी समयको आठौँ मिनेटमा गोल गरेपछि खेल २-२ को बराबरीमा सकियो ।
बराबरीको बाबजुद पनि लिभरपुल २४ खेलबाट ५७ अङ्क सहित पहिलो स्थानमा कायम छ । एभर्टनको २४ खेलबाट २७ अङ्क पुगेको छ र तालिकाको १५ औँ स्थानमा छ ।
