काठमाडौं । काठमाडौं उपत्यकामा बिहीबारदेखि निषेधाज्ञा हटेको छ । तीन हप्तासम्म कडा निषेधाज्ञा लगाइएको उपत्यकामा बिहीबारदेखि नै पसल र सवारी साधन पनि सञ्चालन हुने भएको छ ।
काठमाडौं उपत्यकामा निजी सवारी साधन सबै र १६ सिट भन्दा बढी क्षमताका सार्वजनिक सवारी साधन अब जोर विजोर प्रणालीमा सञ्चालन हुने गरी काठमाडौं, ललितपुर र भक्तपुरका प्रमुख जिल्ला अधिकारीले पसल र सवारी साधन पनि सञ्चालन गर्नेगरी खुलाएका छन् । ट्याक्सी पनि चलाउन पाइने छ र यसमा चालकसहित ३ जना मात्र बस्न पाइनेछ । सार्वजनिक सवारी साधनमा एक लहरमा एक जना गरी कुल सिट संख्याको आधामा मात्र बस्न पाइनेछ ।तर मालवाहक ढुवानीका साधनमा भने जोरविजोर लाग्ने छैन ।
परिस्थितिको मूल्यांकन गरेर निषेधाज्ञालाई खुकुलो बनाइएको बताइएको छ । तर पनि अब सर्वसाधारण आफैं पनि सचेत हुनुपर्ने र सामाजिक दूरी कायम गर्ने, गराउने विषय सबैको दायित्वमा पर्दछ भनिएको छ । पसल सञ्चालनका लागि व्यवसायको किसिमको आधारमा निश्चित बार मात्र खोल्न पाइने व्यवस्था गरिएको छ ।
काठमाडाैंका प्रमुख जिल्ला अधिकारी जनकराज दाहालकाे भनाइ यस्ताे छ ।
