काठमाडौं । राष्ट्रिय प्रजातन्त्र पार्टीले स्थानीय तहका जनप्रतिनिधिलाई आज प्रशिक्षण दिँदै छ । राप्रपालले सप्तरीको राजविराजमा जमघट र सार्थक छलफल गरेर आफ्ना जनप्रतिनिधिहरुलाई प्रशिक्षण दिन लागेको हो ।
राप्रपा केन्द्रीय प्रशिक्षण विभागद्वारा आयोजित दुई दिने प्रशिक्षणमा अध्यक्ष राजेन्द्र लिङ्देन, वरिष्ठ नेता उपाध्यक्ष बुद्धिमान तामाङ्ग लगायतका नेताहरुबाट सम्बोधन कार्यक्रम छ ।
प्रशिक्षण कार्यक्रममा अध्यक्ष लिङ्देनले राप्रपाको राजनीतिक दृष्टिकोण, विकासको वैकल्पिक मार्गचित्र र पार्टीको घोषणापत्रबारे जानकारी दिनुहुने छ ।
यस्तै स्थानीय तहको कानुन निर्माण र न्यायिक सवालबारे नेपाल सरकारका पूर्व सचिव राजीब गौतम, राजस्व अनुमान, बजेट तर्जुमा र अनुदानबारे पूर्वसचिव, राप्रपाका मूख्य सचिव केदारबहादुर अधिकारी, थानीय तहको सामाजिक मुद्धाका बारेमा नेपाल सरकारका पूर्वसचिव केदार न्यौपानेले जानकारी दिने कार्यक्रम छ ।
यस्तै स्थानीय तहमा मेलमिलाप र सिफारिशका कानुनी र व्यवहारिक पक्षबारे राजीब गौतम, व्यवस्थित वस्ती विकास, भवन संहिता र विपद व्यवस्थापनबारे डा. संजय उप्रेती र फोहोरमैला व्यवस्थापनबारे नवीन विकास महर्जनले कार्यपत्र प्रस्तुत गर्ने तय भएको छ ।
स्थानीय तहका जनप्रतिनिधिहरुलाई विषयगत विज्ञहरुद्वारा विभिन्न विषयमा प्रशिक्षण दिइने विभागकी उपप्रमुखसमेत रहेकी पार्टीकी केन्द्रीय सदस्य खुस्बु ओलीले जानकारी दिइन् ।
