दुबईः इन्डियन प्रिमियर लिग क्रिकेट अन्तर्गत शनिबार दुई खेल हुँदैछन् । पहिलो खेल राजस्थान रोयल्स र विराट कोहलीको कप्तानीमा रहेको रोयल च्यालेन्जर्स बैंगलोरबीच हुँदैछ । यो खेल अपराह्न ३ बजे शुरु भइसकेको छ ।
दोस्रो खेल भने दिल्ली क्यापिटल्स र कोलकोता नाइट राइडर्सबीच हुनेछ । यो खेल नेपाली समयअनुसार साँझ ७.४५ बजे शुरु हुनेछ ।
पहिलो खेल अन्तर्गत राजस्थान रोयल्सले टस जिती पहिले ब्याटिङ रोजेको छ । राजस्थानका कप्तान स्टिभन स्मिथ व्यक्तिगत ५ रन बनाएर इसुरु उडानाको बलमा आउट भएका छन् भने जस बटलर पनि २२ रन बनाएर नवदीप सैनीको बलमा आउट भए ।
अंक तालिकामा पाँचौं स्थानमा रहेको राजस्थान र छैटौं स्थानमा रहेको बैंगलोरको समान ४–४ अंक छ यी दुबै टिमले समान ३–३ खेल खेलेका छन् । पहिलो स्थानमा रहेको मुम्बई इन्डियनको पनि ४ अंक नै छ, तर उसले १ खेल बढी खेलेको छ ।
अन्तिम स्थानमा रहेको चेन्नाई सुपर किंग्सको ४ खेलबाट २ अंक मात्र छ, र ऊ अंक तालिकामा पुछारमा छ ।
एजेन्सी
