काठमाडौं । प्रधान सेनापति अशोक राज सिग्देलले पूर्वी पृतना मुख्यालय र त्यहाँ अन्तर्गतका युनिटहरूको निरीक्षण भ्रमण गर्नुभएको छ ।
भ्रमणको क्रममा उहाँले धनकुटास्थित श्री भीमदल गण, झापा स्थित श्री अरिदमन गण, पाँचथर स्थित श्री रणशेर गण र ओखलढुंगा स्थित श्री दुर्गा बक्स गणको निरीक्षण गर्नुभएको सैनिक जनसम्पर्क निर्देशनालले जनाएको छ ।
भ्रमणका क्रममा प्रधानसेनापति सिग्देलले उक्त पृतना हेडक्वार्टर तथा अन्तरगतका युनिटहरूको जिम्मेवारी क्षेत्रको वस्तुस्थिति बारे जानकारी लिई आवश्यक निर्देशन दिनुको साथै सकल दर्जालाई सम्बोधन गर्नुभएको थियो ।
निरीक्षण भ्रमणको दौरान सिग्देलले श्री नं. १८ वाहिनी अड्डा तथा अन्तरगतका फौजहरू सम्मिलित भई उदयपुर स्थित त्रियुगा इलाकामा सञ्चालन भइरहेको सामूहिक तालिमको पनि निरीक्षण गर्नुभएको थियो । निरीक्षणको दौरान प्रधान सेनापतिले सामूहिक तालिमको विविध पक्षहरूका बारेमा जानकारी लिनुका साथै सकल दर्जालाई सम्बोधन गर्नुभएको थियो ।
हाल नेपाली सेनाका युनिटहरूको आ-आफ्नो जिम्मेवारी इलाकाहरूमा सामूहिक तालिम सञ्चालन भइरहेको निर्देशनालयले जनाएको छ ।
