२१ चैत्र २०८१, बिहीबार
April 3, 2025 Thursday

23.27°C

काठमाडौं

23.27°C

Kathmandu

Feels-like: 22.51

Wind: 1.03

Humidity: 33

तपाईं के खोज्दै हुनुहुन्छ ?

एसईईमा फेरि नयाँ नियम: नन ग्रेडेड विषयमा मात्रै परीक्षा दिए पुग्ने



फोटोः फाइल
अ+ अ-

काठमाडौं : परीक्षा नियन्त्रण कार्यालय सानोठिमीले यस वर्षदेखि कक्षा १० को अन्तिम परीक्षा अर्थात एसईईमा विद्यार्थीले अघिल्लो वर्ष एनजी आएको विषयको मात्रै परीक्षा दिन पाउने गरि नयाँ व्यवस्था गर्ने भएको छ ।

यसै वर्षदेखि लागू हुने गर्न लेटर ग्रेडिङ निर्देशिका २०७८ संशोधन गरी जुन विषयमा एनजी आएको हो त्यही विषयको मात्रै परीक्षा दिन पाउने प्रावधानको व्यवस्था गर्न लागिएको परीक्षा नियन्त्रक नन्दलाल पौडेलले राससलाइ जानकारी दिनुभयो ।

कक्षा ८, १०, १२ मा सबै विषयमा अनिवार्य रुपमा सैद्धान्तिकमा डी र प्रयोगात्मकमा सी ल्याउनै पर्ने व्यवस्था छ ।

संशोधन गरिएको निर्देशिका अनुसार नियमित वा ग्रेड वृद्धि परीक्षामा कम्तीमा डी ल्याउनै पर्ने हुन्छ । विद्यार्थीले नियमित र मौका परीक्षा दिँदा पनि जुन जुन विषयमा एनजी आएको छ, त्यो विषयको मात्रै परीक्षा दिन पाउने उहाँले बताउनुभयो ।

विद्यार्थीले यस्तो यो अवसर तीन वर्षसम्म पाउने छन् । यस वर्ष कक्षा १० को अन्तिम परीक्षा चैत ७ गतेदेखि हुँदैछ ।