काठमाडौं । अमेरिकाको क्यालिफोर्नियामा गएको शक्तिशाली भूकम्पबाट हजारौं मानिस प्रभावित भएका छन् ।
क्यालिफोर्नियाको केप मेन्डिकिनो आसपास केन्द्रविन्दु भएर ७ म्याग्नेच्युडको भूकम्प गएलगत्तै सुनामीको चेतावनी दिइएको थियो । तर केही समयपछि उक्त अलर्ट हटाइएको छ ।
सुनामीको चेतावनी लगत्तै सान फ्रान्सिस्कोको तटीय क्षेत्र खाली गराइएको थियो । शक्तिशाली भूकम्प पश्चात क्यालिफोर्नियाको हम्बोल्टमा १०औं हजार मानिस अन्धकारमा बस्न बाध्य भएका छन् ।
भूकम्प प्रभावित क्षेत्रमा तत्काल राहत एवं सहायता सामग्री पठाइएको क्यालिफोर्नियाको उत्तरी तटको प्रतिनिधित्व गर्ने राज्य सिनेटर माइक म्याकगायरले सामाजिक सञ्जालमार्फत जानकारी दिएका छन् ।
