काठमाडौं । अमेरिकाविरुद्धको ३ खेलको टि ट्वान्टी सिरिजमा नेपालले क्लिन स्विप गरेको छ ।
तेस्रो टि ट्वान्टी खेलमा ८ विकेटको जित हात पार्दै नेपालले सिरिज क्लिन स्विप गरेको हो । नेपालको टि ट्वान्टी आईमा यो दोस्रो पटक सिरिज क्लिन स्विप हो ।
यसअघि सन् २०१९ मा नेपालले मलेसियामा घरेलु टोलीविरुद्धको २ खेलको टि ट्वान्टी आई सिरिज क्लिन स्विप गरेको थियो ।
१ सय ५७ रनको लक्ष्य नेपालले १८.४ ओभरमा २ विकेट गुमाएर पूरा गर्यो । नेपालको जितमा आसिफ शेखले ३९ बलमा ५ चौका र २ छक्काको मद्दतमा ५० रनको अर्धशतकीय इनिङ खेले । यो उनको टि(ट्वान्टी करियरको छैठौं अर्धशतक हो ।
यस्तै,कुशल मल्लले ३० बलमा ४ चौका र १ छक्काको सहयोगमा नट आउट ४४ रन बनाए भने कुशल भुर्तेलले ३२ बलमा २ चौका र १ छक्काको सहयोगमा नट आउट ४० रन जोडे ।
अमेरिका लागि जायस ड्रेल्स र जसदिप सिंहले समान १ विकेट लिए ।
त्यसअघि अमेरिकाको ग्राण्ड प्रेरीमा टस जितेर पहिले ब्याटिङ गरेको घरेलु टोलीले निर्धारित २० ओभरमा ५ विकेट गुमाएर १५६ रनको योगफल बनाएको थियो ।
अमेरिकाका लागि साईतेजा मुककामल्लाले ५० बलमा ५ चौका र २ छक्काको मद्दतले ६८ रन बनाए ।
यस्तै, मिलान्ड कुमारले कुमारले ३५ बलमा ४ चौकाको सहयोगमा नट आउट ४३ रन बनाए । आरोन जोन्स १३ रन कप्तान मोनांक पटेल २ रन तथा हर्मित सिंह १० रनमा नट आउट रहे ।
नेपालका लागि सोमपाल कामीले ३ तथा रिजन ढकाल र ललित राजवंशीले समान १ विकेट लिए ।
